تعرف ان مرتبات مصممين الجرافيك بتبدأ من 5000 جنيه وممكن توصل ل 50000 او اكتر كل ما تترقي لمنصب اعلي فيه .. اي دا هوا الجرافيك فيه مناصب ودرجات … اومال ودا اللي هنعرف في الفيديو دا
السلام عليكم انا صهيب الدسوقي وفي الحلقة دي هعرفكو علي هيكل شركات الجرافيك او التصميم بشكل عام ودور كل فرد والمسمي بتاعه
ناس كتير مفكرة ان مصمم الجرافيك بيفضل طول عمره في نفس الوظيفة ومبيترقاش لمرتبة اعلي ودا غلط تماما
لان السوق زي ما فيه مصمم مبتدأ فيه واحد عنده 20 سنة خبرة وبالتالي في فرق في الخبرات كبير جدا ما بينهم وفرق الخبرة والمهارة يساوي فلوس اكتر
طيب اي هيا الدرجات الوظيفية لمجال الجرافيك .. خلينا نبدأ من فوق لتحت وعشان نفهم اي اللي بيتم .. هضربلكو مثال دلوقتي انا
في شركتين شركة اسمها
Stack Media, Notion
الاولي هيا شركة انتاج مرئي بتقدم كل خدمات التصميم والمونتاج والتصوير والموشن
فبالتالي عندها فريق تصميم وفريق مونتاج وفريق موشن وفريق تسويق وفريق اكونت مانجرز
كل فريق له اولا
Creative Director
Art directors
Senior “ Monter or Motion or Designer”
Junior “ “
Intern
فوق كل دول
Senior Creative Director للشركة كلها
فبالتالي شركة نوشن لو جيت لشركة ستاك ميديا قالتلهم انا عاوزة اعمل ترويج لمنتجي
علي منصات التواصل وفي التليفزيون وفي الشوارع
فبالتالي بيحصل اجتماع بين السنيور كريتيف دايركتور
والاكونت مانجر من طرف شركة ستاك ميديا
مع الماركتينج تيم بتاع شركة نوشن
ويعملو اجتماع يوصلو فيه لاي المطلوب بالظبط ويبدأ الكريتيف دايركتور يعرض عليهم البورتفوليو بتاع الشركة ويختارو حاجة قريبة للي هما عاوزينو وياخد منهم الجايد لاينز بتاعتهم عشان ميخرجوش عنها
خلص الاجتماع
الاكونت مانجر دلوقت هو ممثل شركة نوشن ف انو يستلم الشغل من الكريتيف دايركتور ويسلمه لشركة نوشن
يبدأ السينيور كريتيف دايركتور يعمل اجتماع مع الكريتيف دايركتور بتاع
التصميم والموشن والفيديو عشان يوضحلهم اي المطلوب واي الدايركشن اللي ممكن يمشو فيها “ يعني الاستايل العام والالوان بحسب ما فهم من الاجتماع “
ويضمن بردو انو الشغل اللي كل قسم هيطلعو متناسب ومتوافق مع حجم شركتهم والكواليتي اللي بيقدموها
هنا بئا ال3 كريتيف دايركتورز بيروحو بالجايد لاين يعمل كونسبت للمشروع كله يعني اي
يعني بيختارو الفونتات المناسبة واحجامها واوزانها
بيختارو الاستايل عموما هيكون عامل ازاي وهنا التلاتة دول بيشتغلو بايديهم علي الكونسبت كل واحد بيعمل كونسبت متوافق مع التاني بحيث الحملة كلها تكون مرتبطة ببعضها
ومين اللي بيضمن الكلام دا .. وبيقول تمام السينيور كريتيف دايركتور
هنا نخش لمرحلة الشغل التنفيذي ..
الكريتيف دايركتور بياخد الكونسبت ويروح للارت دايركتور يقوله
نفذلي الكونسبت دا والاستايل دا بأفكار مختلفة مع التيم بتاعك ومحتاجين
تصميم كذا وكذا وكذا وعندنا ميعاد كذا للتسليم .. الارت دايركتور بجتمع مع التيم بتاعه ويبدأو يطلعو افكار للتصميم
… الارت دايركتور بينفذ الفكرة الرئيسية ويطلب من السينيور يطلعله الفكرة بكذا اخراج مختلف للعناصر المطلوبة
السينيور بيبدأ يشتغل علي عناصر المشروع بما يضمن تحقيق الفكرة العامة اللي حطها الارت دايركتور وكمان الكونسبت والاستايل اللي محطوط من الكريتيف دايركتور المتوافقين مع الجايد لاين بتاع شركة نوشن
السينيور بيبدأ يستعين بالجونيور اللي تحته في تنفيذ بعض الحاجات وبتكون محددة جدا ومعروف هيعمل اي بالظبط .. زي تغيير مقاسات التصميم او الفيديو
زي قص الصور لو تصميم .. او تراكينج لتكست لو موشن .. الحاجات اللي هيستخدمها السينيور في اخراج العناصر
الانترن غالبا بيعمل نفسه اللي بيعمله الجونيور
بس بيكون لسه بيتعلم التكنيكات وازاي يطبقها فمتوقع منه الخطأ
كل اللي حكيناه دا بيتطلب خبرات مختلفة لانجاز المشاريع .. والهيكل دا ممكن يقل علي حسب التيم وممكن شخص واحد يقوم بأكتر من دور علي حسب الفريق
مرتبات مجالات الجرافيك في مصر كنا اتكلمنها عليها قبل كدا في فيديو كامل ممكن تشوفه من هنا
اخيرا لو عجبك الفيديو شاركه مع اصدقائك اللي لسه مش فاهمين الحاجات دي
وقولنا في تعليق اي اللي استفدتو او مكنتش عارفه وعرفته من الفيديو دا
