لو فتحت برنامج افترافكت لاول مرة هتتخض من الواجهة بفضل الله بعد اول درسين هتكون بتتعامل بسهولة مع الواجهة المعقدة دي .. وبمرور الوقت في الكورس هتلاقي تطبيقات علي كل درس لما تطبقها بعد الشرح هتمكنك من البرنامج وهتخليه لعبة في ايدك.

اللي لما تفهمها كويس هتقدر تطبقها علي شغلك .. وتطبيقها علي شغلك مهما كان بسيط هيطلع شغل احترافي ومفيهوش غلطة واللي هيشوفه هيقول الله يا مبدع

بدأنا في التطبيقات من حاجة بسيطة جدا ” بس فيها تكنيك عظيم في التحريك ” عشان لما توريها لحد فاهم تحريك يقول عليك الراجل دا فاهم قواعد تحريك كويس .. لحد تطبيق السيارة البسيط في التصميم .. الغني بالتحريك ” بيشع حركة” وهنا بنفرد عضلاتك في التحريك والتطبيق دا اللي هيشوفه هيعرف علي طول انك مش مبتدأ وانك حريف أنيميشن

دا جزء ما يطلبه المستمعون .. لاحظنا ان كل الطلبة عندنا نفسهم يحركو شخصيات فعملنا كورس جوا الكورس
بدأنا ببرنامج الليسترايتور وتجهيز الشخصية للتحريك وفيه اكتر من طريقة للريجنج باستخدام DUiK16
بحيث تكون قادر تتحكم في الشخصية بالكامل .. بعد ما ترج الشخصية .. هنحركها حركة معقدة ونخليها تتكلم كمان.